ESTHER ETA BERE MUNDUA

Txikitan nuen zaletasun bakarra komikiak irakurtzea zen. Edozein motatako komikiak, baina guztien artean gustokoena ,“Esther eta bere mundua” deitzen zena zen. 

Bretaina Handiko nerabea zen Esther, eta berak zituen arazo ,burutazio  edo barneko gogo guztiak, nire adinekoek izaten genituenak  ziren, hau da, gustatzen zitzaion mutilak kasurik ez egitea, bere lagunekin zituen harreman bereziak…

Egunero, klasetik atera ondoren eta etxera heltzean, ogitartekoa esku batean hartu eta bestean komikia, eta horrela ematen nituen orduak, ama etorri arte. Estherren mundua nire mundua ere bazen  eta.